【淡市不怕，逆市也不怕】
人人都話要趁後生學投資，但好似茄子丸咁每日由朝忙到晚，仲邊有時間成日望住個市喎，加上啱啱出嚟做嘢人工唔高，萬一遇上大波動，辛苦儲番嚟嘅錢咪好易無晒?!
不過MPF係長線投資而你仲有較長嘅投資期，就唔需要過分擔心呢個問題喇！因為MPF採用平均成本法，透過每月定時定額供款，喺同樣嘅金額下，當基金價格上升時，就會買入少啲基金單位；而當價格下降時，就會買入多啲。經過一段時間後，買入嘅基金價格就會拉勻。長遠嚟講，可抵擋短期嘅市場波動，我哋嘅MPF投資生涯動輒幾十年，你唔應該亦唔能夠每分每秒都捕捉住個市場走勢，反而可以享受平均成本法嘅優勢。
#滾續達人 #MPF #平均成本法 #市場波動無有怕 #投資更輕鬆
Search